Augusti Octaviani
Epistula ad Gaium
ave, mi Gai,
meus asellus iucundissimus, quem semper medius fidius
desidero, cum a me abes. sed praecipue diebus talibus, qualis est
hodiernus, oculi mei requirunt meum Gaium, quem, ubicumque hoc die
fuisti, spero laetum et bene valentem celebrasse quartum et
sexagesimum natalem meum. nam, ut vides, KLIMAKTÆRA communem
seniorum omnium tertium et sexagesimum annum evasimus.
deos
autem oro, ut mihi quantumcumque superest temporis, id salvis nobis
traducere liceat in statu rei publicae felicissimo, ANDRAGATHOYNTØN
HYMØN KAI DIADECHOMENØN stationem meam.